கரூர்: ஆடுகளை திருடிய இரண்டு பேர் கைது
கரூர் மாவட்டம் குளித்தலை அருகே மணத்தட்டை கடைவீதி பகுதியைச் சேர்ந்தவர் ஆனந்தன் 59. இவரது வீட்டின் முன்பு கட்டப்பட்டிருந்த இரண்டு வெள்ளாட்டு கிடா குட்டிகளை இரண்டு பைக்குகள் மூலம் இரண்டு பேர் திருடிக் கொண்டு தப்பிச் சென்றுள்ளனர். அவர்களை மடக்கி பிடித்த அப்பகுதியினர் குளித்தலை போலீசாரிடம் ஒப்படைத்தனர். அதனை எடுத்து ஆனந்தன் அளித்த புகாரின் பேரில் ஆடுகளை திருட முயன்ற மணத்தட்டை திருவள்ளுவர் நகரைச் சேர்ந்த பகத்சிங் (25), நித்திஷ் (17) ஆகிய இரண்டு பேர் மீது இன்று வழக்குப்பதிந்து கைது செய்தனர்.
