பழனி: வீட்டுமனைப் பட்டா வழங்கக் கோரி மனு
திண்டுக்கல் மாவட்டம் பழனி தாலுகா அலுவலகத்தில் இலவச வீட்டுமனைப் பட்டா வழங்கக் கோரி பாட்டாளி தெரு மக்கள் இன்று(அக்.23) மனு அளித்தனர். பாட்டாளி தெருவில் வசிக்கும் 31 குடும்பங்கள் நீண்ட நாட்களாக குடியிருந்து வருகின்றன. வீட்டுமனைப் பட்டா வழங்கக் கேட்டு கவுன்சிலர் நாகராஜ் தலைமையில் தாசில்தார் பிரசன்னாவிடம் மனு அளித்தனர். விசாரணை செய்து பட்டா வழங்குவதாக தாசில்தார் உறுதி அளித்ததை தொடர்ந்து அனைவரும் கலைந்து சென்றனர்.
