டாஸ்மாக்கில் தகராறு; லாரி டிரைவரை தாக்கிய பார் ஊழியர் கைது
கோவை சவுரிபாளையம் ரோடு பாலசுப்பிரமணிய நகரை சேர்ந்தவர் சின்னப்பராஜ்(55). லாரி டிரைவர். இவர் நேற்று முன்தினம் (செப்.,29) சவுரிபாளையத்தில் உள்ள டாஸ்மாக் பாருக்கு மது அருந்த சென்றார். அப்போது அவர் அருகே இருந்த நபரிடம் தண்ணீர் பாட்டில் கேட்டதாக தெரிகிறது. இது தொடர்பாக சின்னப்பராஜூக்கும், பார் ஊழியர் ரகுபதி(22) என்பவருக்கும் இடையே தகராறு ஏற்பட்டது. இதில் ஆத்திரமடைந்த ரகுபதி தகாத வார்த்தைகளால் பேசி சின்னப்பராஜை சரமாரியாக தாக்கினார். இதில் காயமடைந்த சின்னப்பராஜை அங்கிருந்தவர்கள் மீட்டு கோவை அரசு மருத்துவமனைக்கு சிகிச்சைக்கு அனுப்பி வைத்தனர். இது குறித்து ராமநாதபுரம் போலீசில் புகார் அளிக்கப்பட்டது. புகாரின்பேரில், போலீசார் வழக்குப்பதிவு செய்து லாரி டிரைவரை தாக்கிய பார் ஊழியர் ராமநாதபுரம் மாவட்டம் திருவாடானையை சேர்ந்த ரகுபதி(22) என்பவரை கைது செய்தனர்.
