போத்தனூரில் இளம்பெண் தூக்கிட்டு தற்கொலை
கோவை போத்தனூர் கோணவாய்க்கால் பாளையம் கருப்பராயன் கோயில் தெருவை சேர்ந்தவர் சிவா. இவரது மனைவி தமிழரசி(28). இவர் நேற்று முன்தினம் (அக்.,16) வீட்டில் யாரும் இல்லாதபோது தூக்கிட்டு தற்கொலைக்கு முயன்றார். இதனைப்பார்த்த பக்கத்து வீட்டை சேர்ந்தவர்கள் அவரை மீட்டு அருகே உள்ள தனியார் மருத்துவமனைக்கு கொண்டு சென்றனர். பின்னர் மேல் சிகிச்சைக்காக கோவை அரசு மருத்துவமனைக்கு கொண்டு சென்றனர். ஆனால் அவரை பரிசோதித்த டாக்டர்கள் அவர் வரும் வழியிலேயே இறந்து விட்டதாக தெரிவித்தனர். அவரது தற்கொலைக்கான காரணம் என்ன? என்பது குறித்து உடனடியாக தெரியவில்லை. இது தொடர்பாக போத்தனூர் போலீசார் வழக்குப்பதிவு செய்து விசாரணை நடத்தி வருகின்றனர்.
