பொள்ளாச்சி சந்தையில் ஆடு விற்பனை மந்தம்!

பொள்ளாச்சி காந்தி மார்க்கெட்டில் வாரந்தோறும் மாடு மற்றும் ஆட்டுச் சந்தை நடக்கிறது. அதன்படி பல்வேறு பகுதிகளில் இருந்து விற்பனைக்காக கொண்டு வரப்பட்ட ஆடுகள் நேற்று ஏலம் விடப்பட்டது. நேற்று வெள்ளாடு மற்றும் செம்மறியாடுகள் கொண்டு வரப்பட்டன. புரட்டாசி மாதம் என்பதால் கடந்த வாரத்தை ஒப்பிடுகையில் ஆடுகள் வரத்து குறைவாகவே இருந்தது. வியாபாரிகள் வருகையும் குறைந்ததால் ஆடுகளுக்கு குறைந்த விலை நிர்ணயம் செய்து வாங்கி சென்றனர். இரு வாரத்துக்கு முன் 12 கிலோ எடை கொண்ட ஒரு ஆடு 8 ஆயிரம் முதல், 10 ஆயிரம் ரூபாய் வரையிலும், 5 கிலோ எடை கொண்ட ஆடு 20 ஆயிரம் முதல் 22 ஆயிரம் ரூபாய் வரையிலும் விற்பனையானது. ஆனால் நேற்று மந்தமான விற்பனை காரணமாக 25 கிலோ எடை கொண்ட ஒரு ஆடு 15 ஆயிரம் முதல் 17 ஆயிரம் ரூபாய்க்கும், சராசரி எடை கொண்ட ஆடுகள் 3 ஆயிரம் முதல் 5 ஆயிரம் ரூபாய்க்கும் விலைபோனது என வியாபாரிகள் கூறியுள்ளனர்.