பெரம்பலூர்: சாலையை சீரமைத்து தரக் கோரி கலெக்டரிடம் மனு
பெரம்பலூர் மாவட்டம் வேப்பந்தட்டை வட்டம் தேவையூர் ஊராட்சிக்கு உட்பட்ட ரஞ்சன்குடி கிராமத்தில் உள்ள -1 வது வார்டு பகுதியில் 500க்கும் மேற்பட்ட குடும்பங்கள் வசித்து வருகின்றன. இந்நிலையில் அந்த வார்டுக்கு உட்பட்ட பகுதியில் உள்ள சாலை சீரமைக்கப்படாமல் குண்டும், குழியுமாக சேதமடைந்து வருகிறது. இதனை தார் சாலையாக அல்லது சிமெண்ட் சாலையாக சீரமைத்து தரக்கோரி, ஊராட்சி மன்ற தலைவர் உள்ளிட்ட துறைசார்ந்த அலுவலர்களிடம் அப்பகுதி மக்கள் மனு அளித்தும் எந்த பயனும் இல்லை என்பதால் இன்று (டிசம்பர் 16) மாவட்ட ஆட்சியர் அலுவலகத்தில் ஆட்சியரிடம் மனு அளித்து உள்ளதாகவும், இதற்கு உடனடியாக நடவடிக்கை எடுக்க வேண்டும் என, அப்பகுதியை சேர்ந்த பொதுமக்கள் சார்பில் தெரிவித்துள்ளனர்.
