சிவகாசி: விஜயக்கு பின்னால் இளைஞர் கூட்டம் உள்ளது-துரை வைகோ..

விஜய்க்கு பின்னால் ஒரு இளைஞர் கூட்டம் உள்ளதாக சிவகாசியில் மதிமுக முதன்மை செயலாளர் துரை வைகோ பேட்டி. விருதுநகர் மாவட்டம் சிவகாசியில் மதிமுக கட்சி நிர்வாகி இல்ல விழாவில் கலந்து கொண்ட மதிமுக முதன்மைச் செயலாளர் துரை வைகோ செய்தியாளர்களை சந்தித்தார். அப்போது, ஒன்றிய அரசு இந்தியை திணிக்க வேண்டும் என்ற முனைப்போடு செயல்படுகிறது, தமிழகத்தில் மதவாத சக்திகள் இருக்கும் ஒரு அணியும் மதவாத சக்தியை எதிர்க்கும் திமுக தலைமையிலான ஒரு அணியும் மட்டுமே உள்ளது 3வது அணிக்கு வாய்ப்பு இல்லை, நடிகர் விஜய்யை பொருத்தவரை நன்கு படித்தவர், விவரமானவர், அதே நேரம் அரசியல் செய்யவது மிக மிக கஷ்டமானது, விஜய்யின் கொள்கை ரீதியாக நல்ல விஷயங்களை சொல்லி இருப்பது மகிழ்ச்சி அளிக்கிறது விஜய்க்கு பின்னால் ஒரு இளைஞர் கூட்டம் உள்ளது விஜய் குறித்து சீமான் தெரிவிக்கும் கருத்துக்களை ஏற்றுக் கொள்பவர் ஏற்றுக் கொள்வர், ஒரு இயக்கத்தின் தலைவர் அவர், கருத்து சொல்லக்கூடாது என யாரும் தெரிவிக்க முடியாது, மதவாத சக்திகளுக்கு எதிரான திமுக கூட்டணி வலுவாக உள்ளது, திமுக கூட்டணியில் தான் நாங்கள் தொடர்கிறோம். திமுக கூட்டணியில் விடுதலை சிறுத்தைகள் கட்சி தொடர்ந்து இருப்பார் என்று நம்பிக்கையில் உள்ளோம் என்றார். பேட்டியின் போது மதிமுக சட்டமன்ற உறுப்பினர் ரகுராமன் மற்றும் கட்சியின் நிர்வாகிகள் கலந்து கொண்டனர்.