சாத்துார்: சாலையில் வேன் கவிழ்ந்து விபத்து; பெண்கள் காயம்
விருதுநகர் மாவட்டம் சாத்தூர் அருகே உள்ள ஓ.மேட்டுப்பட்டியைச் சேர்ந்தவர் ரமேஷ். இவர் தென்காசி மாவட்டம் தேவிபட்டினத்தில் இருந்து ஓ.மேட்டுப்பட்டியில் உள்ள இவரது நிலத்தில் நடைபெறும் விவசாய பணிக்காக மினி லோடு வேனில் 20 பெண்களை அழைத்து வந்தார். தேவிபட்டினத்தைச் சேர்ந்த டிரைவர் கருப்பசாமி வாகனத்தை ஓட்டி வரும்போது காலை ஓ.மேட்டுப்பட்டிக்கு அருகே வேன் வந்தபோது கட்டுப்பாட்டை இழந்து சாலை ஓரத்தில் கவிழ்ந்து விபத்துக்குள்ளானது. மேலும் இந்த வேனில் வந்த பெண்கள் 12 பேர் லேசான காயமடைந்து சாத்தூர் அரசு மருத்துவமனையில் சிகிச்சை பெற்று வருகின்றனர். இச்சம்பவம் குறித்து சாத்தூர் போலீசார் வழக்கு பதிவு செய்து விசாரணை நடத்தி வருகின்றனர்.
