மழையின்றி கருகும் மிளகாய்ச் செடிகள்.. கண்ணீரில் விவசாயிகள்

ராமநாதபுரம் மாவட்டம் கமுதி அருகேயுள்ள மேலகொடுமலூர் உள்பட அதனைச் சுற்றியுள்ள கிராமங்களில் சில தினங்களுக்கு முன் சிறிதளவு பெய்த மழையை நம்பி விவசாயிகள் வயல்களில் மிளகாய் நாற்றுகளை நடவு செய்தனர். ஆனால், தற்போது போதிய அளவு மழை பெய்யாததால் மிளகாய்ச் செடிகள் தண்ணீரின்றி கருகி வருவதாக விவசாயிகள் வேதனை தெரிவித்துள்ளனர். இந்த நிலையில், நிகழாண்டில் மழையின்றி மீண்டும் விவசாயிகள் பெரும் இழப்பைச் சந்திக்க வேண்டிய சூழல் ஏற்பட்டதாக கூறுகின்றனர்.