சாத்துார்: கஞ்சா விற்பனையில் ஈடுபட்ட இளைஞர் கைது....

சாத்தூர் அருகே பள்ளி முன்பாக கஞ்சா விற்பனையில் ஈடுபட்ட இளைஞர் கைது. 50 கிராம் கஞ்சா மற்றும் இருசக்கர வாகனம் பறிமுதல்.
விருதுநகர் மாவட்டம்,
சாத்துார் காவல் சரகத்திற்கு உட்பட்ட ஆலங்குளம் அருகே உள்ள அரசு பள்ளியின் முன்பாக இருசக்கர வாகனத்தில் வைத்து கஞ்சா விற்பனை செய்வதாக ஆலங்குளம் காவல் நிலையத்துக்கு தகவல் வந்தன. மேற்படி தகவலின் பேரில் சார்பு ஆய்வாளர் ராபியம்மாள் தலைமையில் போலீஸார் சம்பவ இடத்தில் சோதனை செய்தனர். சோதனையில் அதே பகுதியை சேர்ந்த மாரிமுத்து (23) என்பவர் இருசக்கர வாகனத்தில் கஞ்சா பொட்டலங்களை வைத்து விற்பனை செய்து வந்தார். மேலும் அவரிடமிருந்து 50 கிராம் கஞ்சா மற்றும் இருசக்கர வாகனத்தை பறிமுதல் செய்த போலீஸார் அவர் மீது வழக்கு பதிவு செய்து விசாரணை நடத்தி வருகின்றனர்.