கும்பகோணம் மாநகராட்சி குப்பை கிடங்கில் திடீர் தீ விபத்து
கும்பகோணம் அருகே மாநகராட்சி குப்பை கிடங்கில் ஏற்பட்ட தீயை தீயணைப்பு துறை வீரர்கள் 5 மணி நேரம் போராடி அணைத்தனர். கும்பகோணத்தை அடுத்த அம்மா சத்திரத்தில் கறிக்குளம் பகுதியில் மாநகராட்சிக்கு சொந்தமான குப்பை கிடங்கு உள்ளது. இதில் குப்பைகளை தரம் பிரித்தல், இயற்கை உரம் தயார் செய்தல், தரம் பிரித்த குப்பைகளை வெவ்வேறு பிரிவுக்கு அனுப்பும் பணி ஆகியவை நடைபெற்று வருகிறது. இந்த நிலையில் நேற்று முன்தினம்(செப்.11) இரவு 9 மணிக்கு குப்பை கிடங்கில் ஒரு பகுதியில் இருந்து தீ பரவியது. இதனைத் தொடர்ந்து குப்பை கிடங்கு ஊழியர்கள் கும்பகோணம் தீயணைப்பு நிலையத்திற்கு தகவல் அளித்தனர். தகவல் அறிந்த தீயணைப்பு துறை அதிகாரிகள் நிலைய தீயணைப்பு அலுவலர் பாலசுப்பிரமணியன் தலைமையில் மற்றும் வீரர்கள் இரண்டு தீயணைப்பு வண்டிகளை சென்று சுமார் 5 மணி நேரம் போராடி தீயை அணைத்து கட்டுக்குள் கொண்டு வந்தனர். ஆனால் கறிக்குளம் சுற்றியுள்ள பகுதிகளில் பரபரப்பு ஏற்பட்டது.
