ஓமலூர் அருகே மோட்டார் சைக்கிளில் கஞ்சா கடத்திய வியாபாரி கைது
சேலம் மாவட்டம் ஓமலூர் பகுதியில் மதுவிலக்கு போலீசார் வாகன சோதனையில் ஈடுபட்டனர். அப்போது பெரமச்சூர் மேம்பாலம் அருகே மோட்டார் சைக்கிளில் வந்த வாலிபரிடம் போலீசார் விசாரணை நடத்தினர். அவர் சேலம் திருவாக்கவுண்டனூர் மேம்பாலம் நகரை சேர்ந்த மணிகண்டன் (வயது 24) என்பதும், கஞ்சா கடத்தி வந்ததும் தெரியவந்தது. அவரிடம் இருந்த 1½ கிலோ கஞ்சா, மோட்டார் சைக்கிளை போலீசார் பறிமுதல் செய்ததுடன் மணிகண்டனை கைது செய்து சிறையில் அடைத்தனர்.
