மேச்சேரியில் திருட்டு, வழிப்பறியில் ஈடுபட்ட 3 பேர் கைது
சேலம் மாவட்டம் மேச்சேரி அருகே எறகுண்டப்பட்டியை சேர்ந்தவர் நடராஜன் (வயது 72). இவர் வீட்டில் வெள்ளி பொருட்கள் திருட்டு போனது. இதேபோல் எம். காளிப்பட்டியை சேர்ந்த கார்த்திகேயன் மனைவி சாந்தி கழுத்தில் இருந்த 7 பவுன் தங்க சங்கிலி, சிந்தாமணியூரை சேர்ந்த பிரியா ஆகியோர் கழுத்தில் இருந்த 3 பவுன் தங்க சங்கிலி ஆகியவற்றை மர்ம நபர்கள் பறித்து சென்றனர். இந்த 3 திருட்டு சம்பவங்கள் குறித்தும் மேச்சேரி போலீசார் வழக்குப்பதிவு செய்து மர்ம நபர்கள் குறித்து விசாரணை நடத்தி வந்தனர். இந்த திருட்டு வழிப்பறியில் ஈடுபட்டது தேனி மாவட்டம் உத்தமபாளையத்தைச் சேர்ந்த மாணிக்கம்(32), அய்யப்பன்(24) மாரிமுத்து (45) ஆகியோர் என தெரியவந்தது. இதுதொடர்பாக அவர்கள் 3 பேரையும் போலீசார் கைது செய்தனர்.
