மேட்டூர் அணையில் இருந்து தண்ணீர் திறப்பு அதிகரிப்பு
சேலம் மாவட்டம் மேட்டூர் அணையில் இருந்து கடந்த மாதம் 29-ந் தேதி முதல் குடிநீர் தேவைக்காக வினாடிக்கு 500 கனஅடி வீதம் தண்ணீர் திறந்து விடப்பட்டு வந்தது. தற்போது கோடை வெயிலின் தாக்கத்தால் குடிநீருக்கான தண்ணீர் தேவை அதிகரித்துள்ளது. இதனை கருத்தில் கொண்டு அணையில் இருந்து திறக்கப்படும் தண்ணீரின் அளவு வினாடிக்கு 500 கனஅடியில் இருந்து 1000 கனஅடியாக அதிகரிக்கப்பட்டுள்ளது. நேற்று காலை நிலவரப்படி அணையின் நீர்மட்டம் 109.83 அடியாக இருந்தது. அணைக்கு வினாடிக்கு 284 கனஅடி தண்ணீர் வருவது குறிப்பிடத்தக்கது.
