கிருஷ்ணகிரி: கால்வாயில் தவறி விழுந்த விவசாயி உயிரிழப்பு
கிருஷ்ணகிரி மாவட்டம் தேன்கனிக்கோட்டை அடுத்துள்ள கண்டகானப்பள்ளி பகுதியை சேர்ந்தவர் ராதம்மா(40) இவருடைய கணவர் சீனிவாஸ்ராஜூ(47) இவர்களுக்கு நான்கு பெண் குழந்தைகள் உள்ள நிலையில் சீனி வாஸ்ராஜூ கர்நாடக மாநிலம், ஆனேக்கல் சூடஹள்ளி பகுதியில் தங்கி விவசாயம் செய்து வரும் நிலையில் அடிக்கடி தனது மனைவி குழந்தைகளை பார்த்து விட்டு செல்வார். நேற்று முன்தினம், மனைவி குழந்தைகளை பார்க்க கண்டகாணப்பள்ளி கிராமத்திற்கு வந்தார். இரவு வீட்டில் சாப்பிட்டு விட்டு, கிராமத்தில் உள்ள கால்வாய் திட்டில் உட்கார்ந்து இருந்த போது திடீரென கால் இடறி கால்வாயில் விழுந்தார். இதை அறிந்த அருகில் இருந்தவர்கள் அவரை மீட்டு தேன்கனிக்கோட்டை அரசு ஆஸ்பத்திரியில் சேர்த்தனர். அங்கு அவரை பரிசோதித்த டாக்டர் அவர் ஏற்கனவே இறந்து விட்டதாக தெரிவித்தனர். இது குறித்து தேன்கனிக்கோட்டை போலீசார் வழக்கு பதிவு செய்து, விசாரணை நடத்தி வருகின்றனர்.
