ஒரகடத்தில் வரும் 11ல் தொழிற் பழகுனர் பயிற்சி
காஞ்சிபுரம் மாவட்டம், ஒரகடத்தில் உள்ள அரசு தொழிற்பயிற்சி நிலையத்தில், பல்வேறு தொழிற் பிரிவுகளைச் சார்ந்த பயிற்சியாளர்களுக்கு, வரும் 11ம் தேதி, காலை 10:00 மணிக்கு, பிரதம மந்திரி தேசிய தொழிற் பழகுனர் பயிற்சி நடைபெற உள்ளது. மத்திய, மாநில அரசு நிறுவனங்கள், தனியார் நிறுவனங்கள் மற்றும் தொழில் நிறுவனங்களின் கூட்டமைப்புகளால் இது நடத்தப்படுகிறது. இம்முகாமில் தகுதியுடைய ஐ.டி.ஐ., தேர்ச்சிப் பெற்ற பயிற்சியாளர்கள், 8, 10 மற்றும் பிளஸ் 2 வரை படித்த, இடைநிறுத்திய மாணவர்களுக்கும் தொழிற் பழகுனர் பயிற்சியில் சேரலாம். தொழிற் பழகுனர் பயிற்சியில் சேர்ந்து மத்திய அரசின், தேசிய தொழிற் பழகுனர் சான்றிதழைப் பெறலாம் என, காஞ்சிபுரம் கலெக்டர் கலைச்செல்வி தெரிவித்துள்ளார். மேலும் தொடர்புக்கு, 044-29894560 என்ற தொலைபேசி எண்ணில் தொடர்பு கொள்ளலாம்.
