காஞ்சிபுரம்: தொழிலாளி இரும்பு ராடால் அடித்து கொலை
காஞ்சிபுரம் மாவட்டம் குன்றத்துார் அருகே, பரணிபுத்துாரில், தனியார் மர அரவை ஆலை இயங்குகிறது. இங்கு, உத்தரபிரதேசம் மாநிலத்தைச் சேர்ந்த அனில் பாண்டே, 43, மற்றும் கிண்டியைச் சேர்ந்த குமார், 48, உள்ளிட்ட சிலர் தங்கி பணியாற்றி வந்தனர். இந்த நிலையில், குமாரின் மொபைல் போன் மற்றும் சார்ஜரை எடுத்து மறைத்து வைத்து, அனில் பாண்டே கிண்டல் செய்து விளையாடி உள்ளார். இதனால் ஆத்திரம் அடைந்த குமார், நேற்று முன்தினம் (அக்.,9) இரவு துாங்கிக் கொண்டிருந்த அனில் பாண்டேவின் தலையில், இரும்பு ராடால் அடித்து கொலை செய்தார். மாங்காடு போலீசார் அனில் பாண்டேவின் உடலை மீட்டு, பிரேத பரிசோதனைக்கு அனுப்பி வைத்து, குமாரை கைது செய்தனர்.
