அரூர்: மேல் செங்கப்பாடி தென்பெண்ணையாற்றில் வெள்ளப்பெருக்கு
தர்மபுரி மாவட்டம் அரூர் சட்டமன்ற தொகுதிக்கு உட்பட்ட மேல் செங்கப்பாடி கிராமத்தில் தென்பெண்ணை ஆற்றுப்பகுதியில் இன்று (அக்டோபர் 18) வெள்ளப்பெருக்கு ஏற்பட்டுள்ளது. கடந்த வாரம் வறட்சியாக காணப்பட்ட நிலையில் கடந்த சில நாட்களாக பருவ மழை தீவிரமடைந்ததையடுத்து தென்பெண்ணை ஆற்று நீர்ப்பிடிப்பு பகுதிகள் மற்றும் கிருஷ்ணகிரி கே ஆர் பி அணை பகுதிகளில் வேகமாக தண்ணீர் நிரம்பி உபரிநீர் வெளியேற்றப்பட்டு உள்ளதை அடுத்து தென்பெண்ணை ஆற்றுப்பகுதியில் திடீர் வெள்ளப்பெருக்கு ஏற்பட்டுள்ளது. இதனை அடுத்து ஆற்றின் கரையோர பகுதிகளில் உள்ள கிராமங்களுக்கு வருவாய் துறையினர் தீயணைப்பு மற்றும் மீட்பு படையினர் எச்சரிக்கை விழிப்புணர்வு செய்து வருகின்றனர்.
