அரூர்: அணைக்கட்டு துவக்க பணிகள் எப்போது எம்எல்ஏ கேள்வி
இன்று ஏப்ரல் 02 தமிழக சட்டமன்றத்தில் அரூர் சட்டமன்ற உறுப்பினர் சம்பத்குமார் பேசும் போது தர்மபுரி மாவட்டம் அரூர் சட்டமன்ற தொகுதிக்கு உட்பட்ட மாம்பட்டி குமரன் அணைக்கட்டு கட்டுமான பணிகள் எப்போது தொடங்கப்படும் என்றும் அதனை தொடர்ந்து அரூர் தொகுதியில் அமைந்துள்ள வள்ளி மதுரை அணையில் இருந்து கிழக்கு மற்றும் மேற்கு புற கால்வாய்கள் சேதமடைந்துள்ளது என்றும் சேதமடைந்த பகுதிகளை விரைவில் சீர் செய்ய வேண்டும் என சட்டமன்றத்தில் கோரிக்கை வைத்தார். அவர் கோரிக்கையை ஏற்று விரைவில் நடவடிக்கை எடுப்பதாக பொதுப்பணித்துறை அமைச்சர் துரைமுருகன் தெரிவித்தார்.
