ஸ்ரீ முஷ்ணம்: மணல் கடத்தியவர் கைது
கடலூர் மாவட்டம் காட்டுமன்னார்கோயில் அடுத்த ஸ்ரீ முஷ்ணம் போலீஸ் சப்-இன்ஸ்பெக்டர் சந்திரா தலைமையிலான காவல் துறையினர் பூண்டி கிராம பகுதியில் ரோந்து பணியில் ஈடுபட்டு கொண்டிருந்தனர். அப்போது அங்குள்ள வெள்ளாற்றின் தென்கரையில் மாட்டு வண்டியில் மணல் ஏற்றி வந்த நபரை மடக்கி பிடித்து விசாரணை நடத்தியதில் அவர் கள்ளிப்பாடியை சேர்ந்த பெருமாள் மகன் தெய்வசிகாமணி என்பதும் வெள்ளாற்றில் இருந்து மாட்டு வண்டியில் மணலை கடத்தி வந்ததும் தெரியவந்தது. இதையடுத்து காவல் துறையினர் மணல் கடத்தி வந்த தெய்வசிகாமணியை கைது செய்தனர். மேலும் மணல் கடத்த பயன்படுத்தப்பட்ட மாட்டு வண்டி பறிமுதல் செய்தனர்.
