திருச்சுழி - Tiruchuli

சிவகாசி அருகே பட்டாசு ஆலையில் திடீர் தீ விபத்து. லட்சக்கணக்கான பொருட்கள் தீயில் எரிந்து நாசம். விருதுநகர் மாவட்டம், சிவகாசி அருகே உள்ள காக்கிவாடன்பட்டியில் கணேசன் என்பவருக்கு சொந்தமான கிருஷ்ணசாமி என்ற பெயரில் பட்டாசு ஆலை இயங்கி வருகிறது.  இந்த பட்டாசு ஆலை நாக்பூரில் இயங்கி வரும் மத்திய வெடிபொருள் கட்டுப்பாட்டுத் துறையில் அனுமதி பெற்றது. மேலும் இந்த பட்டாசு ஆலையில் உள்ள தகர செட்டில் பராமரிப்பு பணிகள் மற்றும் வெல்டிங் செய்யும் பணியும் நடைபெற்று வரும் போது திடீரென வெல்டிங் தீப்பொறி அருகிலிருந்து அட்டை குழாய்கள் மீது விழுந்து திடீரென தீ விபத்து ஏற்பட்டது. மேலும் தீ விபத்து ஏற்பட்ட உடன் அருகிலிருந்தவர்கள் தீயை அணைக்கும் பணியில் ஈடுபட்டனர்.  காற்றின் வேகம் இருந்ததால் தீ பக்கத்திலிருந்த அறையிலும் பரவியது. உடனடியாக சிவகாசி தீயணைப்பு நிலையத்திற்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த தீயணைப்பு வீரர்கள் தீயை அணைத்து கட்டுக்குள் கொண்டு வந்தனர். இந்த சம்பவத்தில் யாருக்கும் உயிர் சேதமும், காயமும் ஏற்படவில்லை. இச்சம்பவம் குறித்து மாரனேரி போலீசார் வழக்கு பதிவு செய்து விசாரணை நடத்தி வருகின்றனர்.