விருதுநகர்: பேருந்து நிறுத்தத்தில் மயங்கி விழுந்தவர் திடீரென பலி
நரிக்குடி பேருந்து நிறுத்த பகுதியில் நின்று கொண்டிருந்த (54) வயது மதிக்கத்தக்க முருகன் என்பவர் மயங்கி விழுந்து உயிரிழப்பு. சிவகங்கை மாவட்டத்தைச் சார்ந்தவர் முருகன். இவர் நரிக்குடி பேருந்து நிறுத்த பகுதியில் நின்று கொண்டிருந்த பொழுது திடீரென வலிப்பு எடுத்ததன் காரணமாக மயங்கி கீழே விழுந்துள்ளார். அவர் பின் தலையில் அடிபட்டதாக கூறப்படுகிறது. அதைத்தொடர்ந்து மதுரை அரசு மருத்துவமனைக்கு கொண்டு செல்லப்பட்ட அவர் சிகிச்சையில் இருந்த பொழுது சிகிச்சை பலனின்றி பலியானார். இந்த சம்பவம் குறித்து உயிரிழந்தவரின் மனைவி ஜான்சி ராணி அளித்த புகார் அடிப்படையில் நரிக்குடி காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.
