விருதுநகர்: கோட்டையில் அதிமுக கொடி பறக்கும்; முன்னாள் அமைச்சர்
விருதுநகர் மாவட்டம் அருப்புக்கோட்டை அருகே தெற்கு ஒன்றிய அதிமுக நிர்வாகிகள் ஆலோசனை கூட்டம் நடைபெற்றது. அதிமுக தெற்கு ஒன்றிய செயலாளர் யோகா வாசுதேவன் ஏற்பாட்டில் நடைபெற்ற இந்த ஆலோசனை கூட்டத்தில் முன்னாள் அமைச்சர்கள் கடம்பூர் ராஜூ மற்றும் வைகைச் செல்வன் ஆகியோர் கலந்து கொண்டு சிறப்புரை ஆற்றினர். கூட்டத்தில் பேசிய முன்னாள் அமைச்சர் கடம்பூர் ராஜு; சோதனையான நேரத்தில் அருப்புக்கோட்டை தொகுதி எடப்பாடி தொகுதியை அடுத்து அதிக வாக்குகள் பெற்று எடப்பாடி இரண்டாவது தொகுதியாக நமக்கு கிடைத்துள்ளது. எந்த நிலையில் இருந்தாலும் நம்பர் 1 இயக்கம் நம் இயக்கம் தான். இந்த காலகட்டம் நமக்கு மிக முக்கிய காலகட்டம். இன்னும் ஓராண்டு காலம் நாம் சிறப்பாக பணி ஆற்றினால் நாம் சட்டமன்ற தேர்தலில் வெற்றி பெறுவது நிச்சயம். சோதனையான காலத்திலும் மக்களுக்கான சிறப்பான ஆட்சியை தந்தவர் எடப்பாடியார். கடந்த சட்டமன்ற தேர்தலில் மக்களிடம் பொய்வாக்குறிதிகளை வழங்கி திமுக ஆட்சியை பிடித்தது. வரும் சட்டமன்றத் தேர்தலில் விடியா ஆட்சியை மக்கள் விரட்டி அடிக்கும் சூழல் வரும். எடப்பாடி பழனிச்சாமி தேர்தல் வியூகம் வகுத்து வருகிறார். அண்ணா திமுகவை வீழ்த்த யாரும் இல்லை முழுமையாக களப்பணி ஆற்றினால் வெற்றி நமக்கே செயின் ஜார்ஜ் கோட்டையில் அதிமுக கொடி பறக்கும் முதல்வர் நாற்காலியை எடப்பாடி அலங்கரிப்பார் என பேசினார்.
