திருவண்ணாமலை: எஸ்விஎம் பன்னாட்டு பள்ளி கோயில் கும்பாபிஷேகம்
திருவண்ணாமலை அடுத்த சோ. நாச்சிப்பட்டு வேணுகோபாலபுரத்தில் இயங்கும் எஸ் வி எம் பன்னாட்டு பள்ளி வளாகத்தில் கட்டப்பட்டுள்ள ஸ்ரீ மகா கணபதி ஸ்ரீ மாரியம்மன் திருக்கோயில் கும்பாபிஷேக விழா நேற்று நடைபெற்றது. கோபுர விமானத்தில் புனித நீர் ஊற்றப்பட்ட நேரத்தில் வானில் கருடன் வட்டமிட்டதால் பக்தர்கள் நாராயண அரோகரா என்ற நாமத்தை ஒளித்த படி பக்தி பரவசமடைந்தனர் கோவில் நிர்வாகம் சார்பில் அன்னதானம் வழங்கப்பட்டது. இந்நிகழ்வில் சுற்றுவட்டார கிராமங்களை சேர்ந்த திரளான பக்தர்கள் கலந்து கொண்டு சாமி தரிசனம் செய்தனர்.
