தாராபுரம் பகுதியில் கனமழை
தாராபுரம், தாராபுரம் புறநகர் பகுதியில் நேற்று மதியம் வானம் மேகமூட்டத்துடன் காணப்பட்டது. குளத்துப்பாளையத்தில் மாலை 5 மணிக்கு லேசான மழை பெய்தது. அதன் பின்னர் பலத்த மழை கொட்டியது. சீரம்பாளையம், காளிபாளையம், வீராட்சி மங்களம், குளத்துப்பாளையம், வேட்டுவலசு, கரையூர், மூலனூர், குண்டடம் ஆகிய பகுதிகளிலும் கனமழை பெய்தது. மழை காரணமாக தாராபுரம் கரூர் மெயின் ரோட்டில் மழை நீர் பெருக்கெடுத்து ஓடியது. தாராபுரத்தில் 41 மில்லி மீட்டரும், குண்டடத்தில் 71 மில்லி மீட்டரும், மூலனூர் பகுதிகளில் 7 மில்லி மீட்டரும் மழை பொழிந்த அளவு பதிவாகியுள்ளது.
