தாராபுரத்தில் உங்களைத் தேடி உங்கள்ஊரில் முகம் கலெக்டர் ஆய்வு

தாராபுரம் வட்டத்தில் உங்களைத் தேடி உங்கள் ஊரில் திட்ட முகாம் புதன்கிழமை காலை 9 மணிக்குத் தொடங்கி வியாழக்கிழமை  வரை நடைபெறுகிறது. இதில், திருப்பூர் மாவட்ட ஆட்சியர் தா. கிறிஸ்துராஜ் தலைமையில் 44-மாவட்ட அளவிலான அரசுத் துறை அலுவலர்கள் பல்வேறு இடங்களில் வளர்ச்சித் திட்டங்கள் மற்றும் சேவைகளின் செயல்பாடுகள் குறித்து கள ஆய்வு மேற்கொண்டனர்.

தாராபுரம் வட்டத்துக்கு உள்பட்ட குண்டடம் ஊராட்சி ஒன்றியம் ஜோதியம்பட்டி ஊராட்சியில் மகாத்மா காந்தி தேசிய ஊரக வேலை உறுதித் திட்டத் தின்கீழ் பிஏபி வாய்க்கால் தூர் வாரும் பணிகள், ஊராட்சி ஒன்றிய தொடக்கப் பள்ளியில் மதிய உணவுத் திட்டத்தின் கீழ் வழங்கப்படும் உணவின் தரம் குறித்தும் மாவட்ட ஆட்சியர் தா. கிறிஸ்துராஜ் ஆய்வு மேற்கொண்டார்.


இதைத் தொடர்ந்து, குண்டடம் ஆரம்ப சுகாதார நிலையம், - தாராபுரம் நகராட்சிக்கு உட்பட்ட தேவேந்திர நகர், கொளத்துப்பாளையம் பேரூராட்சிக்கு உள்பட்ட காளிபாளையத்தில் இலவச வீட்டுமனை பட்டா வழங்குவது தொடர்பாக ஆய்வு மேற்கொண்டார். தொடர்ந்து, பல்வேறு இடங்களில் கள ஆய்வு மேற்கொண்டதுடன், தாராபுரம் வட்டாட்சியர் அலுவலகத்தில் பொதுமக்களிடம் கோரிக்கை மனுக்களையும் பெற்றுக் கொண்டார்.