தாராபுரம்: ரூ 12 லட்சம் மதிப்பீட்டில் வளர்ச்சி திட்ட பணிகள்
தாராபுரம் நகராட்சிக்குட்பட்ட 25 மற்றும் 28-வது வார்டு பகுதிகளில் பொதுமக்களின் நீண்டநாள் கோரிக்கைகளை ஏற்று அதனை உடனடியாக சரிசெய்யும் நடவடிக்கை மேற்கொள்ளப்பட்டது. உடுமலைச் சாலையில் நகராட்சி பொதுநிதியிலிருந்து 25-வது வார்டு பகுதியில் சுமார் ரூ. 5 லட்சம் மதிப்பீட்டில் புதிய மழைநீர் வடிகால் அமைக்கும் பணி மற்றும் பீமராயர் வீதி 28-வது வார்டு பகுதியில் பொது நகராட்சி நிதியிலிருந்து சுமார் ரூ. 7 லட்சம் மதிப்பீட்டில் புதிய மழைநீர் வடிகால் சிறுபாலம் அமைக்கும் பணி ஆய்வு மேற்கொள்ளப்பட்டது. இதை நகரமன்றத் தலைவர் பாப்புகண்ணன் ஆய்வு மேற்கொண்டார். நடைபெற்றுவரும் இந்தப் பணிகளை விரைந்து முடித்து மக்கள் பயன்பாட்டிற்குத் திறந்துவிடுவதற்கு ஒப்பந்ததாரர்களிடம் அறிவுறுத்தப்பட்டது. மேலும் இந்நிகழ்ச்சியில் நகராட்சி குடிநீர் மேற்பார்வையாளர்கள் பிரபாகரன், ஆல்துறை நகரமன்ற உறுப்பினர்கள் மலர்வழி கணேசன், மீனாட்சி கோவிந்தராஜ், நகராட்சி பணியாளர்கள் கலந்துகொண்டனர்.
