மனைவி கண்டித்ததால் கணவன் விஷம் அருந்தி தற்கொலை
துறையூர் அருகே உள்ள கீரம்பூரை சேர்ந்தவர் சந்திரன் தனக்கு சொந்தமான பசு மாட்டை மனைவியிடம் கூறாமல் விற்றதாக கூறப்படுகிறது. இதனால் அவருடைய மனைவி முத்துலட்சுமி அவரைக் கண்டித்துள்ளார் இதை அடுத்து ஏற்பட்ட மன உளைச்சல் காரணமாக கடந்த ஆறாம் தேதி அன்று விஷம் குடித்து சந்திரன் தற்கொலைக்கு முயற்சி செய்துள்ளார். அவரை உறவினர்கள் துறையூர் அரசு மருத்துவமனையில் சிகிச்சைக்காக அனுமதித்த நிலையில் மேல் சிகிச்சைக்காக திருச்சி அரசு மருத்துவமனையில் அனுமதிக்கப்பட்டு தொடர் சிகிச்சையில் இருந்து வந்த சந்திரன் நேற்று சிகிச்சை பலனின்றி உயிரிழந்தார். இச்சம்பவம் குறித்த புகார் பேரில் சந்திரனின் உடலை மீட்டு துறையூர் அரசு மருத்துவமனைக்கு பிரேத பரிசோதனைக்காக அனுப்பி வைத்த போலீசார் வழக்கு பதிந்து விசாரித்து வருகின்றனர்.
