மின்சாரம் தாக்கி எலக்ட்ரீசியன் பலி
லால்குடி அருகே உள்ள மேட்டுப்பட்டியை சேர்ந்தவர் சின்னப்பன் எலக்ட்ரீசியன் ஆக பணிபுரிந்து வருகிறார். சம்பவம் நடந்த கடந்த மாதம் 16ஆம் தேதி அன்று மேட்டுப்பட்டி பகுதியில் மின் பழுது பார்ப்பதற்காக மின்சார கம்பத்தில் ஏறி உள்ளார். அப்போது எதிர்பாராத விதமாக மின்சாரம் தாக்கி அவர் படுகாயம் அடைந்தார். இதை அடுத்து லால்குடி அரசு மருத்துவமனையில் சிகிச்சைக்காக அனுமதிக்கப்பட்டார். தொடர்ந்து அவர் திருச்சி அரசு மருத்துவமனையில் மேல் சிகிச்சைக்காக அனுமதிக்கப்பட்டு தொடர் சிகிச்சை எடுத்து வந்த நிலையில் நேற்று சிகிச்சை பலனின்றி உயிரிழந்தார். இச்சம்பவம் குறித்து லால்குடி காவல் நிலைய போலீசார் வழக்கு பதிந்து விசாரணை நடத்தி வருகின்றனர்.
