சமயபுரம் அருகே அரசு பள்ளியில் பாதுகாப்பான தீபாவளி ஒத்திகை
சமயபுரம் தீயணைப்பு துறை சார்பில் தீ விபத்தில்லாத தீபாவளி பண்டிகையை கொண்டாடுவது குறித்து புறத்தாக்குடி கிராமத்தில் உள்ள தூய சவேரியர் மேல்நிலை பள்ளியில் தீ தடுப்பு போலி ஒத்திகை விழிப்புணர்வு நிகழ்ச்சி செய்தனர். இதில் பண்டிகை காலங்களில் விபத்து ஏற்பட்டால் எவ்வாறு தடுக்க வேண்டும் என்பது குறித்து தீயணைப்பு துறை இயக்குனர் உத்திரவின்படி , மத்திய மன்டல துனை இயக்குனர், மாவட்ட அலுவலர் ஜெகதீஸ் மேற்பார்வையில் சமயபுரம் தீயணைப்பு சிறப்பு நிலைய அலுவலர் பழனிசாமி தலைமையில் தீயணைப்பு வீரர்கள் பள்ளி அரங்கத்தில் போலி ஒத்திகை பயிற்சியின் மூலம் செயற்கையாக, தீயை உருவாக்கி, அதை பாதுகாப்பாக அணைப்பது குறித்தும், நம்மை சுற்றியுள்ள பகுதியில் திடீரென எதிர்பாராத வகையில் தீ விபத்தில் சிக்கினால் எப்படி தப்பிக்க வேண்டும் தீயை அணைக்க உடனடியாக செய்ய வேண்டியது செய்யக் கூடாதது தீயை அணைக்கும் கருவிகளைப் பயன்படுத்தும் முறைகள் போன்றவற்றை குறித்து மாணவர்கள் மற்றும் ஆசிரியர்களுக்கு விளக்கம் அளித்து தீயணைப்புத் துறையினர் விழிப்புணர்வு ஏற்படுத்தினார்கள்.
