நன்னிலம் அருகே செயல் அலுவலரை முற்றுகையிட்ட சிவனடியார்கள்..
திருகொல்லம்புதூரில் வெங்கடேஸ்வரர் ஆலயம் உள்ளது. இத்தலத்தில் ஓடத் திருவிழா ஐப்பசி மாதத்தில் அமாவாசைக்கு மறுநாள் சிறப்பாக கொண்டாடப்பட்டு வருவது வழக்கம். ஆனால் தற்போது ஆற்றில் நீர் இல்லை என்றும், ஓடம் பழுதடைந்த நிலையில் உள்ளது என்றும், பல காரணங்களை கூறி கடந்த இரண்டு ஆண்டுகளாக ஓடத் திருவிழாவினை கோயில் நிர்வாகம் நடத்தவில்லை. இதுகுறித்து திருக்கோயிலின் செயல் அலுவலரிடம் கேட்டபோது நாங்கள் ஓடம் சரி செய்து வைத்துள்ளோம், தண்ணீர் இல்லை என தகவல் அளித்துள்ளார். ஆனால் ஓடம் சரிசெய்யப்படாமல் உள்ளது. ஆற்றில் தண்ணீர் செல்லும் நிலையில் நீர் இல்லை என்று கூறி ஓடத் திருவிழாவை கோயில் நிர்வாகத்தினர் செயல்படுத்தாமல் உள்ளனர். திருவிழா நடப்பதற்கு ஏதுவாக எவ்வித நடவடிக்கையும் கோயில் நிர்வாகம் சார்பாக எடுக்கவில்லை எனக் கூறப்படுகிறது.
