ஒரத்தநாடு அருகே மோட்டார் சைக்கிள் மோதி விவசாயி பலி
தஞ்சாவூர் மாவட்டம், ஓரத்தநாட்டை அடுத்துள்ள கிளாமங்கலம் வடக்கு கிராமத்தைச் சேர்ந்த அமிர்தலிங்கம் மகன் பாஸ்கர் (வயது37). விவசாயி. இவர் சம்பவத்தன்று ஒரத்தநாடு-ஏனாதி சாலையில் வேப்பங்காடு அருகே நடந்து சென்று கொண்டிருந்தார். அப்போது அதே சாலையில் சென்ற ஒரு மோட்டார் சைக்கிள் பாஸ்கர் மீது மோதியது. இதில் படுகாயம் அடைந்த பாஸ்கரை அக்கம்பக்கத்தினர் மீட்டு பட்டுக்கோட்டை அரசு மருத்துவமனைக்கு கொண்டு சென்றனர். அங்கு அவரை பரிசோதனை செய்த டாக்டர், பாஸ்கர் ஏற்கனவே இறந்துவிட்டதாக தெரிவித்தார். இதுகுறித்து திருவோணம் காவல்துறையினர் வழக்குப்பதிவு செய்து விசாரணை நடத்தி வருகின்றனர்.
