தேனி: பாறையிலிருந்து தவறி விழுந்தவர் உயிரிழப்பு
தேனி மாவட்டம் போடி பகுதியை சேர்ந்தவர் முருகன்(68). இவர் கடந்த 2 தினம் முன்பு காப்பி மகசூல்களை கொண்டு வருவதற்காக கழுதைகளுடன் போடி அருகேயுள்ள பெரியாற்று கோம்பை பகுதிக்கு புறப்பட்டார். சின்னமுடக்கு மலைப் பாதையில் அவர் சென்றபோது மழை பெய்ததால் பாறையில் இருந்து தவறி விழுந்ததில் அவர் உயிரிழந்தார். இது குறித்து குரங்கணி போலீசார் நேற்று (அக்.,19) வழக்கு பதிவு செய்து விசாரணை நடத்தி வருகின்றனர்.
