மாரனேரி சிவன் கோயிலில் ஸ்ரீ ருத்ர மஹா யாகம்.
திருக்காட்டுப்பள்ளி அருகே மாரனேரி சிவ காமசுந்தரி உடனுறை ஸ்ரீ பசுபதீஸ்வரர் சுவாமி திருக்கோயிலில் கும்பாபிஷேக தினத்தை முன்னிட்டு முதலாம் ஆண்டு ஸ்ரீ ருத்ர மகா யாகம் நடந்தது. இக்கோயிலில் கும்பாபிஷேக தினத்தை முன்னிட்டு சுவாமி, அம்மனுக்கும், ஸ்ரீ மகாலட்சுமி ஸ்ரீ ரங்கநாதர் சுவாமி மற்றும் பரிவார மூர்த்தி களுக்கும் காலை அபிஷேக, அலங்கார, ஆராதனைகள் நடந்தன. தொடர்ந்து ஸ்ரீ ருத்ர மகா யாகம், சுதர்சன யாகம், வேத பாராயணம் உள்ளடவை நடந்து பூர்ணாஹூதி முடித்து கடங்கள் புறப்பட்டு சுவாமி அம்மனுக்கு அபிஷேகம் நடந்தது. பின்னர் புஷ்ப அலங்காரம் செய்து தீபாராதனை காண்பிக்கப்பட்டது. விழா ஏற்பாடுகளை கோயில் செயல் அலுவலர் சிவேந்திர ராஜா, ஆய்வாளர் ஜனனி மற்றும் கிராம மக்கள் செய்து இருந்தனர். திரளான மக்கள் தரிசனம் செய்தனர்
