தஞ்சாவூர்: பள்ளிக்குள் நுழைந்து கொலை மிரட்டல் விடுத்தவர் கைது

திருக்காட்டுப்பள்ளி அருகே அகரப்பேட்டை கிராமத்தில் ஆதிதிராவிடர் நல மேல்நிலைப்பள்ளி அமைந்துள்ளது. இந்த பள்ளியில் துணை தலைமை ஆசிரியராக பணியாற்றி வருபவர் வினோதகன் (வயது55). இவர் இருந்த போது அகரப்பேட்டை கள்ளர் தெருவில் வசித்து வரும் ராம்குமார் (20) என்பவர் அத்துமீறி பள்ளிக்குள் நுழைந்து வினோதகனை தகாத வார்த்தைகளால் திட்டி கொலை மிரட்டல் விடுத்துள்ளார். இது குறித்து துணை தலைமை ஆசிரியர் தோகூர் போலீஸ் நிலையத்தில் புகார் செய்தார். அதன்பேரில் தோகூர் போலீசார் வழக்குப்பதிவு செய்து ராம்குமாரை கைது செய்து
விசாரணை நடத்தி வருகின்றனர்.