சேலம்: நடைப்பயிற்சி சென்ற முதியவர் வாகனம் மோதி பலி
சேலம் கொண்டலாம்பட்டி அருகே உள்ள ராக்கி பட்டியை சேர்ந்தவர் சுப்பிரமணி (வயது 70). சம்பவத்தன்று காலையில் இவர் சேலத்தில் இருந்து கோவை செல்லும் தேசிய நெடுஞ்சாலையில் ரோட்டின் ஓரத்தில் நடைப்பயிற்சி சென்று கொண்டிருந்தார். அப்போது அந்த வழியாக வந்த அடையாளம் தெரியாத வாகனம் அவர் மீது மோதியதில் சம்பவ இடத்திலேயே முதியவர் இறந்து விட்டார். இந்த விபத்து குறித்து கொண்டலாம்பட்டி போலீசார் வழக்குப்பதிவு செய்து விபத்தை ஏற்படுத்தி விட்டு நிற்காமல் சென்ற வாகன ஓட்டுநரை தேடி வருகிறார்கள்.
