எடப்பாடி அருகே விஷம் குடித்து முதியவர் தற்கொலை
சேலம் மாவட்டம் எடப்பாடி அருகே ஆவணி பேரூர் கீழ்முகம் ஊராட்சி, குப்பதாசன் வளவு பகுதியை சேர்ந்தவர் பெருமாள் (வயது75). இவருக்கு அடிக்கடி நெஞ்சு வலி ஏற்பட்டு வந்தது. இதனால் மனமுடைந்த அவர் நேற்று (நவ.,9) விஷம் குடித்து விட்டு மயங்கி கிடந்தார். உறவினர்கள், முதியவரை மீட்டு எடப்பாடி அரசு ஆஸ்பத்திரியில் சிகிச்சைக்காக சேர்த்தனர். அங்கு தீவிர சிகிச்சை அளித்தும் பலனின்றி முதியவர் பரிதாபமாக இறந்தார். இது குறித்து எடப்பாடி போலீசார் வழக்குப்பதிவு செய்து விசாரணை நடத்தி வருகின்றனர்.
