மேச்சேரி, நங்கவள்ளி ஒன்றிய திமுக பாகமுகவர்கள் ஆலோசனை கூட்டம்

சேலம் மாவட்டம் மேச்சேரி, நங்கவள்ளி ஒன்றிய தி. மு. க. பாக நிலை முகவர்கள் ஆலோசனை கூட்டம் மேச்சேரி, வனவாசியில் நடந்தது. கூட்டத்திற்கு சேலம் மேற்கு மாவட்ட தி. மு. க. செயலாளர் டி. எம். செல்வகணபதி எம். பி. தலைமை தாங்கினார். ஒன்றிய செயலாளர்கள் சீனிவாச பெருமாள் (மேச்சேரி), அர்த்தநாரீஸ்வரன் (நங்கவள்ளி) ஆகியோர் வரவேற்றனர். கூட்டத்தில் வாக்காளர் பட்டியலில் புதிய வாக்காளர்களை சேர்த்தல், தி. மு. க. ஆட்சியின் திட்டங்களை பொதுமக்களிடம் எடுத்துக்கூறி வாக்கு சேகரிப்பது உள்ளிட்ட பல்வேறு ஆலோசனைகள் வழங்கப்பட்டன.

இதில் சட்டமன்ற தொகுதி பார்வையாளர்கள் ராணி, ரியா, மாவட்ட அவைத்தலைவர் தங்கமுத்து, மாவட்ட துணை செயலாளர்கள் சம்பத்குமார், சுந்தரம், எலிசபெத்ராணி, தலைமை செயற்குழு உறுப்பினர் மணி, குமார் மற்றும் கட்சி நிர்வாகிகள், தொண்டர்கள், பாக முகவர்கள் கலந்து கொண்டனர்.