பள்ளிபாளையம்: விவசாய கூலி தொழிலாளி மரணம்
பள்ளிபாளையம் அருகே சன்னியாசிபட்டியை சேர்ந்த ராஜவேல்,(வயது 57), விவசாய கூலி தொழிலாளி. இவர் நேற்று (அக்.05) இரவு, வெப்படை அடுத்த எலந்தகுட்டை பகுதியில் விவசாய தோட்டத்தில் டிராக்டரில் நிலக்கடலை ஏற்றி கொண்டிருந்தார். அப்போது டிராக்டரில் இருந்து, நிலை தடுமாறி கீழே விழந்துள்ளார். இவர் மேலே நிலக்கடலை மூட்டை விழுந்தது. இதில் இவருக்கு மூச்சுத்திணறல் ஏற்பட்டது. அருகில் இருந்தவர்கள மீட்டு, பள்ளிப்பாளையம் அரசு மருத்துவமனைக்கு கொண்டு சென்றனர். அங்கு சோதனை செய்த மருத்துவர்கள், வரும் வழியிலேயே ராஜவேல் இறந்து விட்டதாக தெரிவித்தனர். வெப்படை போலீசார் விசாரணை செய்து வருகின்றனர்.
