காரில் கடத்தி வரப்பட்ட போதைப் பொருட்கள் பறிமுதல்
கர்நாடக மாநிலம் பெங்களூரில் இருந்து காரில் கடத்தி வரப்பட்ட 5 லட்சம் மதிப்பிலான 550கிலோ குட்கா போதை பொருள் பறிமுதல் நான்கு பேர் கைது செங்கல்பட்டு மாவட்டம், மாமல்லபுரம் அடுத்த எச்சூர் கூட்ரோடு திருக்கழுக்குன்றம் சாலையில் போதை தடுப்பு சிறப்பு போலீசார் வாகன சோதனையில் ஈடுபட்ட போது, மாமல்லபுரம் நோக்கி வந்த கார் ஒன்றை நிறுத்தி சோதனை செய்தனர். அதில் மூட்டை மூட்டையாக தடை செய்யப்பட்ட குட்கா புகையிலை போதை பொருள் இருப்பது தெரியவந்தது. காரை பறிமுதல் செய்த போலீசார் நான்கு பேரையும் மாமல்லபுரம் காவல் நிலையம் அழைத்து வந்து விசாரணை மேற்கொண்டனர். விசாரணையில் பெங்களூரில் இருந்து காஞ்சிபுரம், செங்கல்பட்டு வழியாக மாமல்லபுரம் வருவதாகவும், மாமல்லபுரம், கோவளம் பகுதியில் கொடுக்க இருந்ததாகவும் கூறினார்கள். இதையடுத்து நான்கு பேரையும் போலீசார் கைது செய்து அவர்களிடம் இருந்த 41 மூட்டைகளில் இருந்த 550 கிலோ குட்கா, 4செல் போன்களையும் பறிமுதல் செய்ததனர். கடத்தலில் ஈடுபட்ட ஹர்சன்குமார், பீராராம், ஜீவாராம், ஹீமாராம் நான்கு பேரும் ராஜஸ்தான் மாநிலத்தை சேர்ந்தவர்கள். நால்வரையும் மாமல்லபுரம் போலீசார் திருக்கழுக்குன்றம் கோர்ட்டில் ஆஜர் படுத்தி செங்கல்பட்டு கிளை சிறையில் அடைத்தனர்.
