பென்னாகரம்: செம்மண் கடத்திய லாரி பறிமுதல் - ஓட்டுனருக்கு வலை
தர்மபுரி மாவட்டம் பென்னாகரம் சட்டமன்ற தொகுதிக்கு உட்பட்ட ஏரியூர் பெரும்பாலை மற்றும் சுற்றுவட்டாரப் பகுதிகளில் அனுமதி இன்றி, டிராக்டர் மற்றும் டிப்பர் லாரிகளில் செம்மண் கடத்தப்பட்டு வருவதாக பரவலாக குற்றச்சாட்டு உள்ளது. இந்த நிலையில் மாவட்ட கனிமவளத்துறை துணை இயக்குனர் பன்னீர்செல்வம், பெரும்பாலை பகுதியில் நேற்று (நவ.,20) மாலை திடீரென ஆய்வு மேற்கொண்டார். அப்போது டிப்பர் லாரியில் செம்மண் கடத்தப்படுவதை கண்டு, சுற்றிவளைத்து லாரியை பிடித்தார். அதிகாரிகளை கண்டதும் லாரி ஓட்டுநர் வண்டியை நிறுத்திவிட்டு தப்பிஓடிவிட்டார். லாரியையும் செம்மண்ணையும் பறிமுதல் செய்து, பெரும்பாலை காவல் நிலையத்தில் அதிகாரிகள் ஒப்படைத்தனர். இதனைத் தொடர்ந்து பெரும்பாலை காவலர்கள் இன்று வழக்குப்பதிவு செய்து விசாரணை மேற்கொண்டு வருகின்றனர்.
