தருமபுரியில் பெண்களுக்கான சிறப்பு வேலைவாய்ப்பு முகாம்
தர்மபுரி மாவட்ட ஆட்சியர் கி. சாந்தி இன்று செப்டம்பர் 26, வெளியிட்டுள்ள செய்திக் குறிப்பில்; தருமபுரி மாவட்ட வேலைவாய்ப்பு மற்றும் தொழில்நெறி வழி காட்டும் மையம் சார்பில், பெண்களுக்கான சிறப்பு தனியார்த்துறை வேலைவாய்ப்பு முகாம் தருமபுரி, அரசு கலை, அறிவியல் கல்லூரியில் நாளை வெள்ளிக்கிழமை (செப். 27) நடைபெறவுள்ளது. இந்த முகாமில் ஒசூரில் இயங்கும் டாடா எலக்ட்ரானிக்ஸ் நிறுவன அதிகாரிகள் கலந்து கொண்டு வேலைக்கு பெண்களைத் தேர்வு செய்யவுள்ளனர். இந்த வேலைவாய்ப்பு முகாமில் பங்கேற்க பிளஸ் 2 தேர்ச்சி பெற்றவர்கள், ஐடிஐ முடித்தவர்கள், பட்டயம், பட்டப் படிப்பு முடித்தவர்கள் கலந்து கொள்ளலாம். இத்தகுதியை 2022, 2023, 2024 இல் தேர்ச்சி பெற்றிருக்க வேண்டும். கல்வி, பணிவாய்ப்புக்கு ஏற்ப மாத ஊதியமாக 12, 000 முதல் 20, 000 வரை வழங்கப்படும். அத்துடன் உணவு, தங்குமிட வசதி, போக்குவரத்து வசதிகள் செய்து தரப்படும். இந்த முகாமில் கலந்துகொள்ள விரும்புவோர் தங்களது அசல், நகல் கல்விச் சான்றிதழ், ஆதார் அட்டை, கடவுச்சீட்டு அளவு புகைப்ப டம் ஆகியவற்றுடன் பங்கேற்கவும் என அதில் தெரிவித்துள்ளார்.
