பென்னாகரம்: இளம் பெண் மாயம் காவல்துறையினர் விசாரணை

தர்மபுரி மாவட்டம் பென்னாகரம் வட்டம், செக்குமேடு கிராமத்தைச் சேர்ந்தவர் வெங்கடாசலம் கூலி தொழிலாளி, இவருக்கு திருமணம் முடிந்து ஜானகி என்ற மனைவியும் திவ்யா வயது 21 என்ற மகளும் உள்ளனர். இந்த நிலையில் மகள் திவ்யா நேற்று காலை வழக்கம் போல் வேலைக்கு சென்று விட்டு மீண்டும் வீடு திரும்ப வில்லை. நண்பர்கள் வீடு, உறவினர்கள் வீடுகள் மற்றும் அக்கம் பக்கம் என எங்கு தேடியும் கிடைக்காததால் பெற்றோர்கள் பென்னாகரம் காவல் நிலையத்தில் இன்று நவம்பர் 07 புகார் அளித்தனர். புகாரின் பேரில் பென்னாகரம் காவலர்கள் வழக்கு பதிவு செய்து விசாரித்து வருகின்றனர்.