பரங்கிப்பேட்டை: குளத்தில் முருகன் சிலை மீட்பு
கடலூர் மாவட்டம் பரங்கிப்பேட்டை அடுத்துள்ள அரிய கோஷ்டி கிராமத்தை சேர்ந்த அன்பழகன் மகன் அருள். இவர் அங்குள்ள குளத்துக்கு சென்றார். அங்கு கருங்கல்லால் ஆன முருகன் சாமி சிலை இருப்பதை அவர் பார்த்த நிலையில் இது பற்றி அவர் பரங்கிப்பேட்டை காவல் நிலையத்தில் தகவல் கொடுத்தார். தகவலின் பேரில் போலீஸ் இன்ஸ்பெக்டர் ஜெர்மன் லதா, சப்- இன்ஸ்பெக்டர் செந்தில்குமார் மற்றும் காவல் துறையினர் சம்பவ இடத்துக்கு சென்று முருகன் சிலையை கைப்பற்றி காவல் நிலையத்திற்கு கொண்டு சென்றனர். இது குறித்து பல்வேறு கோணங்களில் காவல் துறையினர் விசாரணை நடத்தி வருகின்றனர்.
