புவனகிரி: வெளி மாநில லாட்டரி சீட்டு விற்றவர் கைது

கடலூர் மாவட்டம் புவனகிரி போலீஸ் சப் இன்ஸ்பெக்டர் லெனின் மற்றும் காவல் துறையினர் நேற்று (அக்.11) ரோந்து பணியில் ஈடுபட்டிருந்தனர். அப்போது புவனகிரி மீன் மார்க்கெட் அருகில் சந்தேகத்தின் பேரில் சுற்றி திரிந்தவரை பிடித்து விசாரித்தனர். அவர் கீழ்புவனகிரி தென்கரைக்கரை தெருவை சேர்ந்த குமரவேல் (வயது 51) என்பதும், அவர் தமிழக அரசால் தடை செய்யப்பட்ட வெளி மாநில லாட்டரி சீட்டு விற்றதும் தெரிய வந்தது. பின்னர் புவனகிரி காவல் துறையினர் வழக்குப் பதிவு செய்து அவரை கைது செய்தனர்.