கோவை: தமிழகம் முழுவதும் இலவச அழகுக்கலைப் பயிற்சி
தமிழக அரசு மக்களுக்கு தேவையான திட்டங்களை செயல்படுத்தி வருகிறது. அந்த வகையில், வேலைவாய்ப்பை உருவாக்கி இளைய தலைமுறையினருக்கு உதவி வருகிறது. அரசு பணியிடங்களுக்கு தேர்வு நடத்துவதோடு, தனியார் நிறுவனங்களில் வேலைவாய்ப்பு பெற உதவுகிறது. சுயதொழில் செய்ய விரும்புவோருக்கு பயிற்சியும், கடனுதவியும் வழங்கப்படுகிறது. சமீபத்தில், தமிழ்நாடு திறன் மேம்பாட்டு கழகம் மற்றும் Groom India Salon & Spa Pvt Ltd இணைந்து இலவச அழகுக்கலைப் பயிற்சி வழங்க உள்ளதாக அறிவிக்கப்பட்டுள்ளது. இத்திட்டம் மேற்படிப்பு படிக்க இயலாத மாணவர்களின் வேலைத்திறனை மேம்படுத்தும் நோக்கத்தில் அறிமுகப்படுத்தப்பட்டுள்ளது. பயிற்சி முடித்தவர்களுக்கு அரசு சான்றிதழ் வழங்கப்படும். மாத ஊதியமாக ரூ. 16,000 முதல் ரூ. 20,000 வரை கிடைக்கும் என தெரிவிக்கப்பட்டுள்ளது. அனைவருக்கும் வேலைவாய்ப்பு உறுதி செய்யப்படும். சுயதொழில் தொடங்க விரும்புவோருக்கு அரசு மானியத்துடன் வங்கிக் கடன் உதவி பெற்றுத்தரப்படும். தகுதி அடிப்படையில் வெளிநாட்டு வேலைவாய்ப்பும் பெற்றுத்தரப்படும். இராயபேட்டை, ஆலப்பாக்கம், பூந்தமல்லி, கொளத்தூர், திருமுல்லைவாயில், கோவை, திருநெல்வேலி, மதுரை, வேலூர், விழுப்புரம், செங்கல்பட்டு, திருவள்ளூர், ஈரோடு, கரூர், ஏற்காடு ஆகிய இடங்களில் பயிற்சி அளிக்கப்படும். மேலும் விவரங்களுக்கு 8072828762 அல்லது 9025808570 என்ற எண்களில் தொடர்பு கொள்ளலாம்.
