உழவர் தின விழா - அமைச்சர்கள் பங்கேற்பு!
கோவையில் உள்ள தமிழ்நாடு வேளாண்மை பல்கலைக்கழகத்தில் நடைபெறும் உழவர் தின விழா கண்காட்சியை வேளாண்துறை அமைச்சர் எம். ஆர். கே. பன்னீர் செல்வம் மற்றும் வீட்டு வசதித்துறை அமைச்சர் முத்துசாமி ஆகியோர் துவக்கி வைத்தனர். இதில் 300-க்கும் மேற்பட்ட அரங்குகளில் தொழில்நுட்ப கருத்தரங்குகள், செயல் விளக்கங்கள், புதிய பயிர் ரகங்கள், பயிர் ஊக்கிகள், பூச்சி நோய் எதிர்ப்பு காரணிகள், அங்கக வேளாண் இடுபொருட்கள், நானோ தொழில்நுட்பங்கள், மதிப்பூட்டல் தொழில்நுட்பங்கள், டிஜிட்டல் வேளாண்மை, நீர் பாசன கருவிகள் ஆகியவை காட்சிப்படுத்தப்படுகின்றன. இந்நிகழ்வில் தமிழகத்தைச் சேர்ந்த 6 விவசாயிகளுக்கு வேளாண்மை விருதுகள் வழங்கப்பட்டது.
