కట్టేసి గొంతుపై కత్తితో గాయపర్చి చోరీ
భూపాలపల్లి జిల్లాలో దొంగలు బీభత్సం సృష్టించారు. కాటారం మండలం బస్వాపూర్లో పడాల తిరుపతి, స్వర్ణలత దంపతులు కిరాణం షాపు నడుపుతుంటారు. గురువారం గుర్తు తెలియని ముగ్గురు దుండగులు వారిపై హఠాత్తుగా దాడి చేసి, దంపతులను కట్టేసి గొంతుపై కత్తి పెట్టి చంపేస్తామని బెదిరించి లక్ష రూపాయల నగదు, ఆరు తులాల బంగారంతో పాటు ద్విచక్ర వాహనాన్ని ఎత్తుకెళ్లారని ఆరోపించారు. పోలీసులు కేసు నమోదు చేసుకుని దర్యాప్తు చేస్తున్నారు.
