முத்துமாரியம்மன் கோவிலில் தீமிதி விழா
ராஜபாளையம் கிராமத்தில் முத்துமாரியம்மன் கோவிலில் தீமிதி விழா நடைபெற்றது. கே வி குப்பம் தாலுகா வடுகன்தாங்கல் அடுத்த ராஜபாளையம் கிராமத்தில் முத்துமாரியம்மன் கோவிலில் ஆடி வெள்ளி தீமிதி விழா நடைபெற்றது. விழாவை முன்னிட்டு அம்மனுக்கு பம்பை இசை, பால், மஞ்சள், இளநீர், வேப்பிலை, பன்னீர், சந்தனம், தண்ணீர் குடங்கள் கொண்டு ஏழு வித அபிஷேகம் சிறப்பு அலங்காரம் ஆகியவை நடைபெற்றது. கூழ்வார்த்தல் கும்ப சோறு படைத்தல் பொங்கல் இடுதல் மாவிளக்கு போடுதல் அன்னதானம் வழங்குதல் கரகம் ஏந்தி பக்தர்கள் தீ மிதித்தல் ரேணுகாம்பாள் சத்திர நாடகம் ஆகியவை நடைபெற்றது விழா ஏற்பாடுகளை விழா குழுவினர் மற்றும் கிராம இளைஞர்கள் செய்திருந்தனர்.
