ஆம்பூரில் மினி லாரி விபத்தில் கட்டிட தொழிலாளி உயிரிழப்பு.

ஆம்பூர் அருகே இருசக்கர வாகனத்தில் சென்று கொண்டிருந்தவர் மீது பின்னால் வந்த மினி லாரி அதி வேகமாக மோதி விபத்துக்குள்ளானதில் கட்டிட தொழிலாளி உயிரிழந்த சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது


திருப்பத்தூர் மாவட்டம் ஆம்பூர் அடுத்த சின்னகொம்மேஸ்வரம் பகுதியை சேர்ந்தவர் மூர்த்தி இவர் கட்டிட பணியில் கூலி தொழிலாளியாக வேலை செய்து வந்துள்ளார் இந்த நிலையில் வழக்கம் போல் கட்டிட பணிக்காக இன்று இருசக்கர வாகனத்தில் தனது நண்பருடன் ஆம்பூர் நோக்கி சென்று கொண்டிருந்தபோது கன்னிகாபுரம் பகுதியில் வட்டாட்சியர் அலுவலகம் எதிரில் சென்னை- பெங்களூர் தேசிய நெடுஞ்சாலையில் முன்னாள் சென்று கொண்டிருந்த இருசக்கர வாகனத்தின் மீது பின்னால் அதிவேகமாக வந்த மினி லாரி மோதி விபத்துக்குள்ளானதில் படுகாயமடைந்த மூர்த்தி சம்பவ இடத்திலேயே உயிரிழந்துள்ளார் இது குறித்து தகவல் அறிந்த ஆம்பூர் நகர காவல் துறையினர் மூர்த்தியின் உடலை கைப்பற்றி பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்து விபத்து ஏற்படுத்திய மினி லாரியை பறிமுதல் செய்த போலீசார் சம்பவம் குறித்து வழக்கு பதிவு செய்து தப்பியோடிய மினி லாரி ஓட்டுநரை தேடி வருகின்றனர்.